mad283 writings page

L’interista

Annunci

Hinn robb de ciod, hinn robb de casciavid:
gh’hann no vergogna de robà i partid?
Sti goeubb, sti sciabalent, sti stortignaccol…
‘Na squadra? No: putost, cort di miracol!

Sann no giugà, ma intant – titoch, titocch –
la balla la ghe arriva al pussee brocch
e la ghe sbatt balenga in sul genoeucc:
ma varda on poo che gol, propi de pioeucc!

Oh, San Gioânn, in grazie del tò Brera,
che ‘l mett a pan e pess i scior Rivera,
castiga tì sto Milan de ruera
e sul primm gol che robben, sti bandera,
con quej che gh’hann de dì: “L’è minga vera”,
avanti-marsc, o lader: in galera!

Luciano Visintin, “El breviari di preghier cattiv” (Libreria Meravigli Editrice, 1979).

Annunci

Annunci